اميل مبارك – دودة القز

mubarak doudet el2zz

لا تسافر يا لبناني
ولا تترك بيتك مهجور
ولا تتحمّل اهاني
ولا عا بواب الناس تدور
عندك تجّره ربحاني
أحلى من شحنة بابور
قزّاتك عالبلاّني
بتحيك رسمال كبير
كبّر رسمالك والتذّ
وتباهى بأرز جبالك
ومن رزقاتك لا تنهزّ
كل الدني بعرزالك
خليك بالضيّعا واعتزّ
وتنعم بين عيالك
زراع التوت وربي القزّ
وعيش بلبنانك أمير
لا تطلب ولا تستجير
لا تتشكّى من التعتير
ربّي القزّ وعيش بعزّ
ولا تلبس غير الحرير

______
المصادر:
أعلام الشعر العامي في لبنان للمؤلف د. ميشال خليل جحا.
Flora of Lebanon