عمر الزعني – لا غالب ولا مغلوب

عمر الزعني

ولو كان زعلنا منكم
أو كنتو زعلتو منّا
ما النا غنا عنكم
ولا الكم غنا عنّا
والبرهان تصالحنا
تباوسنا وتصافحنا
تفاهمنا وتصافينا
وصرنا أحسن من ما كنّا
نحنا وانتو يا نور العين
متل الطير بجناحين
لازم نحافظ على التنين
حتى نعيش ونتهنّى
شبعنا عناد بيكفّي
لازم نيتنا نصفّي
ونار العداوة نطفّي
وبالمحبة نتغنى
لا غالب ولا مغلوب

______
المصادر:
أعلام الشعر العامي في لبنان للمؤلف د. ميشال خليل جحا.
Flora of Lebanon