عمر الزعني – بدنا منّو وتفو عليه

عمر الزعني

بدّنا منّو وما بدنا
ومش عارفين شو بدنا
بدّنا بدنا وما بدنا
وما طالع شي بيدّنا
بس اللي ما فينا ليه
بدنا منه وتفو عليه
يوم منكره يوم منحب
يوم منمدح يوم منسبّ
يوم منسكت يوم منهبّ
بس اللي ما فينا ليه
بدنا منّو وتفو عليه
يوم منمدح الريّس
ومنقول عال وكويس
بكرا منرجع منْوَسوس
ومنطلب حل المجلس
بس اللي ما فينا ليه
بدّنا منو وتفو عليه
في الجرايد منهلل
في المعابد منعلعل
منخخطب ومنكلّل
وبكره منرجع منطّبل
بس اللي ما فينا ليه
بدنا منّو وتفو عليه
يوم طربوش يوم برنيطة
يوم زمور يوم قرنبيطة
يوم منمشي مع عيطة
يوم مننشد مع شيطة
بس اللي ما فينا ليه
بدنا منّو وتفو عليه

______
المصادر:
أعلام الشعر العامي في لبنان للمؤلف د. ميشال خليل جحا.
Flora of Lebanon